Ný síða fyrir bílaleigu í loftið - camping cars

Camping cars er kannski ögn úr takti við það sem gengur og gerist hér á síðunni. En ég þekki aðeins til þeirra sem eiga í hlut og finnst hugmyndin þar að auki þrælsniðug, þannig að ég svífst einskis og plögga smá ;)

Þannig er að ný vefsíða fór í loftið fyrir stuttu. Þetta er bílaleiga með aðeins öðru sniði en gengur og gerist hér heima. Þjónustan er fyrst og fremst stíluð inná útlenda ferðamenn en mig grunar að mörgum íslendingum gæti hugnast þetta - ég er allavega í þeim hópi.

Camping Cars leigja fjórhjóladrifna (4x4) jeppa sem er auðvitað besta mál en ekki það sem ég tók eftir. Hver bíll er hins vegar búinn tjaldi sem situr ofan á bílnum og þegar fólk ætlar að leggja sig yfir nóttina, þá er bara að leggja bílnum á góðum stað, leggja stiga að hliðinni á bílnum og reisa tjaldið!

Allur viðlegubúnaður er einnig innifalinn og má með sanni segja að þarna sé bara útilegupakkinn klár, allt á einum stað!

Nýr Evrópskur lottóleikur að fara í loftið

Þeir sem eru með á nótunum hafa eflaust heyrt eitthvað af þessu, en nú er s.s. nýtt Evrópskt lottó í burðarliðnum og það sem meira er - það er útlit fyrir að við íslendingar fáum að spila með!

Það er heill hellingur af löndum sem ætla að spila saman í þessum leik, uppleggið er s.s. svipað og Víkinga Lottó, margar þjóðir safna saman í risapott. Nema þetta verður ennþá stærra þar sem fleiri og fjölmennari þjóðir spila með.

Við erum að tala um lönd eins og Þýskaland, Holland, Spán, Slóveníu og einhver fleiri til, ég er ekki með allan listann á hreinu en þetta verða 8 eða 9 þjóðir. Og já, eins og áður sagði þá er útlit fyrir að Ísland verði með frá hausti.

Leikurinn hins vegar hefst núna í lok mars, fyrsti útdráttur verður á föstudaginn 23. mars og mikil spenna fyrir þessu nýja lottó um allan heim.

Við bendum á flotta vefsíðu til að fá frekari upplýsingar, hún er reyndar á ensku en gagnast vonandi samt. Sjá nánar hér: Nýr Lottóleikur

Þarna er hægt að nálgast miða - fyrir þá sem geta ekki beðið, ég er einn af þeim!